Fierljepfreonen

We ha in geweldige opkomst by de jeugdtrainingen. De trainers kinne it hast net oan mar lokkich binne der tsjintwurdich assistint trainers; ljeppers dy’t nocht ha om dizze moaie sport oer te bringen op oaren. As de bern de technyk ûnder de knibbel ha dan meie se meidwaan oan de jeugdwedstriden. Elke sneon nei in oare moaie fierljepklub en dêr stride, mar séker ek wille ha, mei dyn fierljepfreonen. En ek hjir steane der altyd trainers en assistinten ree om te helpen. Ek by de gruttere ljeppers groeit de groep. We wolle in klub wêze wêr’t elk sich wolkom fielt, ast no in talintfolle ljepper bist of ast it gewoan leuk en gesellich fynst om mei in groep oan dizze leuke sport te dwaan.